शनिवार, १७ नोव्हेंबर, २०१२

एका बहूजन द्वेष्ट्याचा अंत

आज दि. १७ नोव्ह २०१२ एक द्वेषपर्व संपले. बाळ ठाकरे संपले.  ख-या अर्थाने पूरोगामी महाराष्ट्राला हिंदुत्वाचा चेहरा देण्याचा प्रयत्न करणा-या, मुस्लिम व दलितांचा सद्वैव तिरस्कार करणा-या एका बलाढ्य पण जातीयवादी नेत्याचे द्वेषपर्व आज संपले.

घरात नाही खायला पीठ! कशाला पाहीजे विद्यापीठ!

वरिल वाक्य ज्याने अत्यंत हीन पातळीवर जात आंबेडकरवाद्यांच्या विरोधात रान उभं करण्यासाठी मुख्य स्लोगन म्हणून वापरले त्या आंबेडकर द्वेष्टयाचा मृत्यू खरच सूखावून गेला.

आता काही लोकं तत्वज्ञान सांगायला येतील की गेलेल्या माणसा बद्दल तुम्ही असं कसं लिहू शकता. पण यावर आधीच उत्तर देऊन ठेवतो.
गेलेल्या बद्दल चांगले बोलणे हे हिंदू तत्वज्ञान आहे, आमचं नाही.  माझं तत्वज्ञान अगदी साधं व सोपं आहे. जो माणूस जिवंत होता तोवर चांगला नव्हता तो गेल्यावरही चांगला नाहीच. ठाकरे बद्दलही माझं मत हेच आहे. जो ठाकरे मला जिवंतपणी चांगला वाटला नाही तो आज गेल्यावर अचानक चांगला कसा काय वाटेल? अजिबात नाही. जिवंत ठाकरेचाही मी राग करतो अन आज गेल्यावरही मी त्याचा रागच करतो. गेल्या गेल्या त्याची अचानक प्रतिमा बदलण्याचं काही एक कारण नाही.

ठाकरे हे मुळात तत्वज्ञानी किंवा विद्वान नव्हतेच, ते होते एक कार्टूनिस्ट. पुढे मद्रासी लोकांच्या विरोधात एक कार्टूनपणा केला अन अचानक मुंबईकरांचे ह्रीरो बनले.  गंमत बघा. मद्रासी लोकांच्या विरोधात रान उठवताना ठाकरेनी असा खोटा आव आणला जसं काही ते मराठी माणसासाठी लढत आहेत. मद्रासी विरोधात त्यांची ती उत्स्फूर्त प्रतिक्रिया होती असं लोकाना वाटलं अन बिचारे मुंबईकर मात्र खरोखरच उत्स्फूर्तपणे या मद्रासी विरोधाच्या लढ्यात उभा ठाकला.
काही वर्षात लगेच मुंबईकरांच्या लक्षात आले की ठाकरे नंबर एकचे खोटारडे व फसवे आहेत. कारण जस जशी ठाकरेंची मुंबईवरील पकड पक्की होत गेली तस तसं मद्रासी लोकांचा वावर खूद्द ठाकरेच्या दारबारी दिवसेंदिवस वाढत गेला.  याता मात्र मुंबईकर भांभावून गेले. खरं काय अन खोट काय त्याना कळेनासे झाले.
ठाकरेच्या लक्षात यायला वेळ लागला नाही. आपली बनवेगीरी लोकांच्या लक्षात येत आहे हे कळल्यावर ठाकरेनी दुसरा डाव टाकला तो म्हणजे मुसलमानांच्या विरोधात रान उठवायला सुरुवात केली.  मराठी अस्मिता ते हिंदू अस्मिता व हिंदू हृदय सम्राट असा हा प्रवास सुरु झाला. मुसलमानाच्या विरोधात आवई उठवायला सुरुवात केल्यावर बिचार मुंबईकर मद्रासी द्वेष पार विसरून गेली. आता मात्र मद्रासी व मराठी एकत्र येऊन मुसलमानांच्या विरोधात  दंड थोपटून उभे झाले. ठाकरेनी परत एकदा खोटा डाव स्वत:च्या बाजूने उलटविण्यात यश मिळविले होते. अन त्या नंतर मुंबईतील दंगलीत काय काय झालं हे उभ्या जगानी पाहिलं.

नामांतर लढ्यातील मुख्य विलन
हे सगळं चालू असताना ठाकरेनी आजून एक डाव खेळला. मुस्लिमांच्या विरोधात हिंदूना उभं करून लोकांचं रिक्त पिणे सुरु झालं पण ठाक्रे नावाच्या रक्तपिसासूची तहान ईथे भागली नाही. मुस्लिमांच्या रक्ता व्यतिरिक्त आजून एक समाजाचं रक्त पिण्याचं नियोजन सुरु झालं, समाज म्हणजे आंबेडकरी समाज.  
दलित पॅंथरची चळवळ सत्तरच्या दशकात मुंबईत अत्यंत प्रभावी व बलाढ्य झाली होती. अन त्या नंतर लगेचच नामांतराचा लढा सुरु झाला.  
हजारो वर्ष दारिद्र्यात नि अज्ञानात खितपत पडलेल्या समाजाला तिथून खेचून बाहेर काढण्याचं कार्य करणा-या बाबासाहेबांच्या स्मरनार्थ मराठवाडा विद्यापिठाचे नामांतर व्हावे यासाठी आंबेडकरी समाजाने नामांतर चळवळ चालविली होती.
अन ठाकरे नावाच्या या जातियवाद्याला हे अजिबात नको होतं. त्यानां बाबासाहेबांचं नाव नको होत. त्याना दलितांची प्रगती नको होती. त्याना तळागळातल्या लोकांचा उत्कर्ष नको होता. मग काय ठाक्रेनी घोषण केली की या लढ्याच्या विरोधात आपण उभे ठाकलो आहे. अन ठाकरेच्या राडेबहाद्दूर लोकानी उत्पात सुरु केला. हा हा म्हणता मराठवाड्यात दंगली-सुरु झाल्या. आंबेडकरी समाजाच्या लोकाना वेचून वेचून मारणे सुरु झाले. दलित वस्तीला आगी लावल्या जात होत्या. आंदोलन कर्त्याना धरून मारल्ल्या जाऊ लागलं. अन एक अत्यंत दुर्दैवी घटना घडली ती म्हणजे पोच्या कांबळेची जालीम पद्धतीने कत्तल करण्यात आली.  
जिकडे तिकडे हाहाकार उडाला होता. ठाकरेची पिल्ल आता ठाकरेची डायलॉग मारत फिरत होती

घरात नाही खायला पीठ, कशाला पाहिजे विद्यापीठ!
घरात नाही खायला पीठ, कशाला पाहिजे विद्यापीठ!
घरात नाही खायला पीठ, कशाला पाहिजे विद्यापीठ!
घरात नाही खायला पीठ, कशाला पाहिजे विद्यापीठ!

हे सगळं घडत होतं ठाकरेच्या आंबेडकरद्वेषामूळे. पण सुदैवानी शरद पवार साहेबांसारखी माणसं त्या वेळी सत्तेत होती म्हणून शेवटी नामांतर झाले.

ईथेच ठाकरेंचा द्वेष थाबला तर नवल. त्यांचा आंबेडकरद्वेष वाढतच गेला.  त्यानंतर रमाबाई नगर मधली घटना घडली अन कदम नावाच्या एका पोलिस अधिका-याने बेछून गोळीबार करत आंबेडकरवाद्यांची कत्तल केली. या कदमांना ठाकरेच्या पिल्लानी अभयदान देत परत एकदा ठाकरे म्हणजे पूरोगामी महाराष्ट्राला नेत्याच्या रुपात मिळालेला शाप होय हे अधोरेखीत केले. अशा महाराष्ट्राला शाप ठरलेल्या ठाकरेंचा आज मृत्यू झाला.
हा माणूस जिवंत होता तेंव्हा आयुष्यभर आंबेडकरवाद्यांचा व मुसलमानांचा द्वेष करत फिरला. त्यामुळे ठाकरे  बद्दल माझ्या मनात कधीच आदर नव्हता. आजही तो नाहीच.
उलट हा माणूस जिवंत होता तो पर्यंत महाराष्टात अनेक दंगली झाल्या, कित्तेकांचे जीव गेले अन जातियवाद फोफावला. त्यामुळे ठाकरे म्हणजे महाराष्ट्राच्या पूरोगामित्वावर एक शाप होता. आज त्यांचा मृत्यू म्हणजे तो शाप संपला असे म्हणायला हरकत नाही.
  

४ टिप्पण्या:

  1. haa manus jatiya vadane hapaplela ahe.. hech sidhha hota... jya sharad pawarne karan nastana marathvada vidyapithacha namantar kela to disat nahi ka ?
    tyana babasahebanvishai prem asta tar tyane babasahebanchya navane ektari college kadhalay ka ? dalit mhanunm chandrashekharla matdan kara ase sagale oradat hote tevha balasaheb mhanale hote.. dalit dalit kay mhanta ?? ashane jatiyvad kami honar nahi. mi tyana dalit mhanun nahitar ek changla manus MHANUN MATADAN KAREL.khairlanji madhlya kadamla koni vachavle ? hyache uttar maharashtral;a changlech mahitiye.. chagan bhujbalchi jaat konti ahe balasahebana chagan bhujbalne swata sangirtla tyani kadhihi tyacha jaticha ullekh kela nahi..ramteke tumhi jatiyvadachi kid laglele AANI POKHARLE gel;ele zaad ahat.. ani balasahebana tumhi changla mhanav mala mulich vatat nahi karan te tumhala pachanare nahi. tumhi sharad pawaranchach udo udo kara aani navin navin lakshman mane tayar kara...

    प्रत्युत्तर द्याहटवा
    प्रत्युत्तरे
    1. Barobar ahe he ramteke hindu dweste
      Ahet ani dangli cha itihas saglyana mahit ahe balasaheb hote mhanun mumbai vachli nahitar marathyan barobar
      Dalit sudha mar
      le gele aste ani je radebaj tumhi mhanta tyat sudha dalit yuvak asat

      हटवा
    2. Dangli cha etihas konala achuk mahiti aahe?
      ashok padilkar aani tumhala tri achuk kse kay sangu shakta ki dalit suddha marle gele aste mulat ekhi aambedkri yuwak hya danglit samil nvte tya welche wartman patr wacha mhanje klel aani aambedkri uwak etka kmkuwat nahiye ki to aaplyach deshach nuksan krel tsepn deshbhakti deshprem hya goshi hindu sathi fakt pustka purte ch maryadit aahe aamhala nahi aambeakri yuwak dhamma aadhi deshala aadhi mahatw deto dhamma la nantar hi baba sahebanni dileli shikwnuk aahe nusti ghokkampatti nahi sena sthapan zalya pasun radebaaj ha seneche naitik muly mhanun bala nech sainikan madhye rujawle aahet.teva aspan kon aahot he olkha.

      हटवा