शनिवार, २१ सप्टेंबर, २०१३

ऐसा पोप होणे नाही!



कॅथलिक चर्चचे सर्वोच्च धर्मगुरु पोप फान्सीस यानी सुरुवातीपासूनच पुरोगामी विचाराची कास धरली आहे. पोप म्हणून निवड झाल्यावर काही दिवसांतच त्यानी आजवरच्या प्रथेला खिंडार पाडत चर्चमध्ये स्त्रीयांचे पाय धुवून जगभरातील समस्त कॅथलिकांमध्ये खळबळ उडवुन दिली होती. या घटनेने अनेक प्रतिगामी कॅथलिक कासाविस झाले तर पुरोगामीनी प्रचंड उत्साहात नव्या पोपच्या या परिवर्तनवादी भुमिकेचे स्वागत केले. पोपनी आजवर चर्चमध्ये फक्त पुरुषांचे पाय धुण्याची प्रथा होती, ती मोडीत काढत स्त्रीयांचे पाय धुतल्यामुळे स्त्री समाजात समतेचा संदेश देण्यात पोपनी बाजी मारली. चर्चकडून झालेला हा स्त्री सन्मान जगभरातील स्त्रीयांसाठी अभूतपुर्व सोहळा होता. ओरडा करणारे विरोधकही मागे राहिले नाहीत. त्यानी जमेल तेवढा ओरडा करुन पाहिला खरा पण पोपच्या बाजूने घोंगावणा-या वादळात विरोधकांचा सूर विरुन गेला.
टाईमच्या बातमीनुसार पोपनी आजुन एक क्रांतिकारक पाऊल टाकले असून त्यांचे म्हणणे काही असे आहे... “चर्चच्या प्रत्येक धार्मिक कार्यात व महत्वाच्या निर्णयप्रक्रियेत स्त्रीचा सहभाग असलाच पाहिजे...  एवढेच नाही तर स्त्रीसुलभता(आध्यात्मिक अर्थाने) हा चर्चचा भाग असून तो देवाने योजलेला आहे.  माझ्या स्वप्नातील चर्च हे आई स्वरुप असून स्त्रीचे अस्तित्व चर्चच्या चराचरात आहे” असे अत्यंत क्रांतीकारक आवाहन केल्यामुळे जगभरातील स्त्रीयानी पोपचे आभार मानले आहे. एवढ्यावरच न थांबता पोप पुढे म्हणतात... “अबॉर्शन, कॉन्ट्रासेप्चूअलचा वापर व समलिंगी संबंध सारख्या गोष्टींच्या विरोधात धार्मिक शक्ती खर्ची घालणे माझ्या नजरेत एक निरर्थक उपद्र्व असून हे सगळे देवाच्याच इच्छेनी होत आहे” म्हणजे जुन्या विचाराना घट्ट कवटाळून समाजात वितुष्टी पसरविण्याचा धंधा बंद झाला पाहिजे अशा अर्थाची एकुण भुमिका आहे. समाज व संस्कृती ही नेहमी प्रवाही असते व सर्वानी त्यानुसार प्रवाही असावे हे सत्य पोपनी ताडले असून समस्त कॅथलिकाना पोपनी एका अर्थाने प्रवाही होण्याचे आवाहनच केले आहे. थोडक्यात प्रतिगाम्यांच्या पुरातन विचाराला पोपनी अक्षरशा  खिंडार पाडले आहे. अत्यंत कडवट समजला जाणारा कॅथलिक चर्च कात टाकताना पाहून समस्त पुरोगामी बांधव पोपचे अनेक आभार मानत आहेत. प्रवाही असणे कशाला म्हणतात त्याचा हा अभुतपुर्व नमुना आहे.

आपण सर्वानी पोप फ्रान्सीसचे आभार मानू या!

३ टिप्पण्या:

  1. Asha purogami pop che nakkich abhar manlech pahije.
    Pan M.D. sir nehmi apan pratham baherchyach lokanchach adarsh kinva margadarshan kinva dnyan gheto.
    Ka aplya ethe suruvat hot nahi? Ka popsarkhe adarsha dharmaguru aplya santkulat ka janma ghet nahit?
    Kuthe pop ani tyancha purogami samaj ANI kuthe sant asaram ani apla pratigami samaj?
    jaudya aplyapasunch sudharna karuya. Lekh avadla. Baherchya jagachi dharmic karyachi mahiti tari samajli.
    jaibhim

    प्रत्युत्तर द्याहटवा